Og svariði nu

Botnaðu setninguna í comments:

Ef þú værir fastur/föst með mér í bókasafni í heila viku, þá myndirðu.....

Frabær markaður

Markaðurinn á Eyrarbakka var alveg frábær hreint út sagt. Við vorum með nokkra kettlinga í búri á borðinu okkar vegna þess að við þurftum að losna við litlu krílin. Þetta sló svo rækilega í gegn að foreldrar barnanna á Eyrarbakka og gott ef ekki Stokkseyri líka voru rifnir upp úr rúmum, frá garðyrkju, messustörfum, göngutúrum og guð má vita hverju öðru til að fara niður á markað og sjá litlu kisukrílin sem voru svo krúttlegir. Enda losnuðum við við 4 kettlinga af 5. Frábær árangur verð ég að segja. Mamma seldi líka fullt af handverki og svo fór náttúrulega alltaf smádótið sem kostaði 100 kall.
Ég og mamma fórum síðan á tónleika sem haldnir voru á Stokkseyri. Þar voru stelpur frá tónlistaskólanum á Akranesi sem spiluðu allar á fiðlur, sungu og fóru með ljóð. Þetta var frábært hreint út sagt og bæði ég og mamma felldum tár yfir sumum lögunum, þau voru svo falleg.
Annars vona ég að allir eigi góðan dag í dag!
P.S. Viljiði láta mig vita ef þið sjáið ekki myndirnar sem ég setti inn. Ég er nefnilega að vinna á Makka og hann birtir ekki alltaf myndirnar sem ég set á netið. :)

Eins og vindgöng?

Kosningarnar og Eurovision afstaðin og það fór sem fór; stjórnin hélt velli og austur evrópuþjóð vann söngvakeppnina!
Surprise surprise! :)
Annars verð ég bara að segja ykkur frá því hvað mér fannst fyrirsögn Fréttablaðsins í morgun fyndin! Ég veit ekki hvort þetta hefur verið Samfylkingarmaður/kona sem skrifaði þessa forsíðufrétt, en hún hljóðar svo: ,,Framsókn opin í báða enda" (!!)
Ég verð eiginlega að segja, sem bókmennta- og menningarfræðingur, þá er nú aldeilis hægt að túlka þessa setningu á mjög fyndin hátt. Eins og margir hafa vafalaust velt fyrir sér, þá virðist Framsókn ekki tilheyra neinni stjórnmálastefnu eða stjórnmálaflokki ef því er að skipta. Hann virkar samkvæmt forsíðu Fréttablaðsins í rauninni bara vera hálfgerð vindgöng þar sem loftið blæs frjálst um og þar sem ekkert finnst....nema jú loft! :)
Kíkiði annars á þetta! Svona ef þið hafið ekkert að gera í vinnunni eða heima hjá ykkur á kvöldin þegar börnin eru sofnuð:

http://us.mms.com/us/dark/dark_game.jsp

maður á víst að finna 50 kvikmyndatitla út úr þessu. :)
Skemmtið ykkur vel

Eastern - Eurovision Song Contest 2008

Jæja, enn eitt Eurovision kvöldið á enda runnið og enn einu sinni erum við Íslendingar skildir eftir með sárt ennið og með spurningar á vörunum eins og: Hvað gerðist eiginlega? Og af hverju komumst við ekki áfram, eins og lagið okkar var flott?

Svörin við þessum spurningum eru nú reyndar ansi einföld eins og staðan er í dag. Við, eins og aðrar Vestur Evrópuþjóðir eigum bara orðið engan séns á móti þessu Eurovision óðu einstaklingum í gömlu austurtjalds löndunum...... það eru allir trylltir að senda sms fyrir gamla heimalandið sitt. :)

Mér finnst ekki að þetta eigi að vera svona, vegna þess að litlar þjóðir eins og ísland, Malta, Danmörk ofl. eiga aldrei eftir að komast upp úr undankeppninni, og fá þar með aldrei einu sinni tækifæri til að reyna að sigra keppnina.

Þarna voru reyndar nokkur skemmtileg lög frá austur Evrópu, en mörg alveg skelfileg svo vægt sé til orða tekið. Mér fannst okkar lag reyndar rosalega flott og Eiríkur Hauksson rúllaði þessu upp. En það skiptir engu máli hvernig lag við komum með, það er engin einu sinni að fylgjast með Íslandi í þessari keppni....það er að segja austur Evrópuþjóðirnar.

Annars ætla ég nú ekki að halda því fram að allar Vestur Evrópuþjóðirnar hafi komið með framúrskarandi lög....sbr. Danmörk og Sviss til dæmis, en svo er náttúrulega bara gaman að horfa á þessa keppni, hneykslast á söngnum, búningunum, fólkinu, stigagjöfinni og öllu sem manni dettur í hug. Ég var líka mjög stolt af sjálfri mér vegna þess að mér tókst að láta Tensai San horfa á alla keppnina með mér! Geri aðrir betur! :)

Long time no see

Eftir langt hlé sest ég nú enn og aftur við þetta elsta blogg mitt til að pára nokkrar hugsanir niður á blað.
það er brjálað að gera í vinnunni og er ég einmitt að stela mér tíma núna til að hripa hérna nokkrar línur. Hef svosem ekkert alltof mikið að segja eins og er. Nema í gær fóru ég og Grumpa í leiðangur upp í Hvalfjörð. Ég verð að segja að ég hef ekki komið þangað upp eftir í mörg ár. það var rosalega gaman að koma þarna og sjá svæðið allt í nýju ljósi. Maður ferðaðist yfirleitt þarna um í gamla daga, fastur aftur í einhverjum skrjóði og beið einungis efitr að Hvalfirðinum lyki svo maður kæmist í ævintýrið sem biði manns handan hans. En, við Grumpa stoppuðum á einum fimm stöðum, löbbuðum, rannsökuðum, klifruðum og skoðuðum allt sem okkur datt í hug. Flestir voru þetta staðir sem ég hef aldrei stoppað á, heldur aðeins keyrt framhjá í gamla daga.

Við vorum báðar hálf hissa á allri umferðinni þarna uppfrá. Ég hafði einhvern veginn alltaf ímyndað mér Hvalfjörðinn hálf eyðilegan eftir að göngin opnuðu, en því fer nú fjarri skal ég segja ykkur. Þarna var bara ansi mikil umferð og mest hissa urðum við held ég þegar við keyrðum framá forláta bensínstöð sem var opin svona seinni part dags. Ekki nóg með það, heldur var nóg að gera hjá afgreiðslukonunni sem hafði greinilega bara hlaupið úr nærliggjandi húsi með barnavagninn til að svala þorsta forvitinna ferðalanga. Hún lét ekki barnavagninn, né barnið slá sig út af laginu og afgreiddi tertusneiðar og ís með dýfu af stakri prýði. maður var semsagt virkilega komin upp í sveit. :)

Svo urðum við Grumpa svo frægar í lokin að skunda niður á Akranes, en þangað hef ég ekki komið í tuttugu ár!! Ég veit, þetta er steinsnar frá Reykjavík, en samt hef ég aldrei látið mér detta í hug að fara í bíltúr þangað uppeftir...
Bærinn er reyndar ekkert ókaplega fagur, krúttlegur né merkilegur í mínum augum, en ég verð samt að segja að við duttum inn á mjög svo skemmtilegt og frumlegt kaffihús þar sem við fengum okkur eðal kaffi (keypt frá TE og KAFFI) og beyglu og súkkulaði með.
Frábær ferð í frábærum félagsskap, Takk fyrir að vera til Grumpa!! :)