Snjór og meiri ósómi

Hver fann eiginlega upp snjóinn? Ég bara spyr? Um helgina var sko ekkert grín að vera að vinna i úthverfi borgarinnar og þurfa í þokkabót að komast þangað með almenningsvagni! Ég missti af öllum bílunum því að ég held að allir þessi bílstjórar hafa örugglega bara ákveðið að vera heima hjá sér og drekka kakó og lesa teiknimyndasögur, svei mér þá. Ég endaði semsagt í leigubíl um morguninn. En ekki nóg með það, heldur eru þeir sko alls ekki að hafa fyrir því að laga seinkanirnar sem verða yfir daginn, heldur finnst þeim bara allt í lagi að koma á klukkustunda fresti fyrst það er svona ógurlega mikill snjór í henni Reykjavík. Forski var orðin svo pirruð á þessu leigubíla og strætó standi (enda að missa af rútunni til Eyrarbakka) og haldiði bara ekki að mín hafi endað í hörkubardaga um einn sjaldséðan leigubíl. O nei, Forski ætlaði sko ekki að láta þetta eftir gömlu konunni sem haltraði að leigubílnum og sagði að hún hefði nú pantað sér leigubíl í gærmorgun. Ég skallaði kerlu og sparkaði undan henni hækjunni og skutlaði mér svo inn í bílinn og æpti á skelfingu lostinn ökumanninn að drífa sig niður á Bsí undir eins!! Aumingja forski var búin að bíða í kuldanum í heilar 8 mínútur!!
En hvað er svo málið með Íslendinga? Sorry, en þó að ég er ekki mikið fyrir DV að þá veit ég nú ekki hvort rétt sé að búa til píslavott úr þessum manni og vitiði að hann framdi sjálfsmorð áður en DV kom út? Það er engin að spá í að maðurinn hefði kannski gert þetta hvort sem er. En við Íslendingar erum sko enn með heykvíslirnar í bílskúrnum og erum ekkert á því að hætta neitt að nota þær.