Ástir og appelsínur

Jú, mikið rétt. Eros hefur eitthvað fílað þessa ritgerð sem ég skrifaði í vor og kannski hefur hann hreinlega heyrt særingarnar sem ég fór með kvöldin sem ég sat sveitt við rannsóknir á Pan og lifnaðarhætti hans. Forski er núna farin að læra spænsku og allt um Navy Seals. Það var þó ekki að ég yrði svo heppin að hitta hinn fullkomna mann. Yndislegur algjörlega og mig langar að æða að öllum og segja hversu hamingjusöm ég er. Ég brosi allan daginn eins og ég hafi fest herðatré í munninum á mér. Allt í einu er mér alveg sama þó að ég þurfi að borga toll af 12 vindstigum og 2500 krónur fyrir eina papriku. Mér er alveg sama þó að ég fái bara eina tegund af lauk sem eftir er og mér er alveg sama þó að ég yrði dæmd (fyrir tollsvik) til að eyða því sem eftir er lífsins á grænlandsjökli. Bara svo lengi sem ástin mín er með mér. Það var þó aldrei að Forski myndi finna sína einu sönnu ást!!!
Við erum búin að hlaupa um á ströndinni (sýnd hægt að sjálfsögðu) með Michael Bolton undirspili. Við fórum út að róla saman í gær og á morgun ætlum við út á Þingvallavatn og hann ætlar að róa bátnum og ég ætla að halda á sólhlífinni í hvíta kjólnum. Hann ætlar að fara með ljóð (á spænsku að sjálfsögðu) og ég fell í ómegin af ást.
Framhald síðar

Sweet Home Alabama

Það var þó aldrei að maður endaði í sumarfríi í Alabama!! Hvað er svosem í Alabama? Annað en hillbillies, fordómafullt fólk og fangar í Montgomery? Sumir Bandaríkjamenn segja að Alabama ríki sé ekki hluti af Ameríku. því að allt er svo gamaldags þar. En maður segir ekki nei við ferð í sólina og smá bluegrass music og svona fleira. það er aldrei að vita að maður uppgötvi eitthvað nýtt í hillbillie ríkinu. Núna ætla ég sko að fara með sumarkjólana mína og neita alfarið að fara úr hvíta fína kjólnum mínum og þurfa að klæðast einhverjum túrsistagalla eins og ég var skikkuð að gera seinast þegar ég var í Alabama. Nei og aftur nei. Ég ætla bara víst að fara á Macdonalds og fá mér eitraðan hamborgara með öllu í sumardressinu. Lögregluþjónarnir geta bara starað með donutsinn í munninum fyrir mér. Og hananú. Annars er náttúrulega svoliltið gaman að koma í Suðurríkin því að þar sér maður svo margt sem maður hefur aldrei séð áður eða þá bara í bíómyndunum. Þar sér maður alvöru kúreka borða á alvöru dinerum og þeir eru meira að segja að borða egg og beikon og eitthvað annað sem maður veit ekki hvað er. Maður fer á Dunkin Donuts og fær sér glænýjan kleinuhring sem kemur fram í búðina á litlu færibandi og svo löðrandi í fitu að kalóríufjöldinn nægir fyrir heila viku eða meir. Allt í Alabama er lörandi í fitu. Ég veit reyndar ekki hvort karlmennirnir eru smurðir með ólífuolíu eins og grikkirnir í den en ég ætla reyndar ekkert að reyna að komast að því heldur. Ég er ekki mikið spennt fyrir því. En allavega, Sweet home Alabama. Annars er Forski búin að vera ansi villt á því seinustu dagana. Búin að drekka hvítvínskvótann fyrir allt sumarið og gott ef að þetta endaði bara ekki í allsherjar spurdrykkju þarna seinasta laugardag. Svo villt var þetta orðið. En annars vona ég að Monopoly fari sér ekki að voða á megadjamminu á ömmukaffi í kvöld. Það er aldrei að vita að hún drekki yfir sig af kakói með rjóma og endi bara á trúnó stelpan svei mér þá. Londonía passar vonandi upp á að hún drekki nægilega mikið te fyrir svefninn og að hún komist heim fyrir miðnætti.

Sumargleði

Jæja, enn ein helgin búin og allt í gúddí með það. Fékk mér reyndar eins og svona 10 glösum of mikið af hvítvíni á laugardagskvöldinu. En annars var bara ágætt. Kokksi brá sér úr kokkagallanum og fór í betri fötin ásamt Forska og Halta Hólma og á öldurhúsum borgarinnar kenndi ýmissa grasa. Við sáum til dæmis ástralskan surfing gæa með verðlaunagrip, einn kalíforníbúa sem var ákveðin í því að halda framhjá konunni sinni. Tvær Pamelu Anderson og þrjár sveitastúlkur sem þorðu loksins að standa upp og taka kjúklingadansinn klukkan hálffimm um morgunin. Já segið svo að Forski taki ekki eftir þegar farið er á næturbröltið. Ég held að einn ákveðin aðili hafi ákveðið að stofna Wig Wam aðdáendaklúbb og núna rignir inn á emailið hjá manni auglýsingum og ljóðum um þessa nýju rokkgrúppu. Ekki verð ég hissa ef ég sé the number one fan æða upp á svið og fara í stagediving á Nasa þann 2. júlí. Það verða allir að mæta á svæðið og sjá öll lætin gerast. Annars er það að frétta af Hammer og Tensai San að þau fá íbúiðina sína á morgun og til hamingju með það!! Nú veit maður semsagt hvar matarboðin verða haldin í framtíðinni. Nú er bara að byrja að skipuleggja miðsumarshátíð með tilheyrandi látum í garðinum. Þar verður kveikt bál og rúllað sér í dögginni. Svo má ekki gleyma 17. júní gleðinni, Wig Wam gleðinni 2. júlí og 4. júlí gleðinni. Svo á grumpa afmæli 12. júlí, Monopoly 13. júlí.Svo er að sjálfsögðu bastilludagurinn þ. 14. júlí, að ógleymdri Verslunarmannahelginni. Haustgleði, Vetrargleði osfrv. það er enginn endir á allri þessari gleði. Ég veit ekki hvar þetta endar allt saman svei mér þá.

Beckham hjónin og Þengill hinn góði

Hver man ekki eftir Ísfólkinu? Muniði ekki stelpur eftir Þengli hinum góða og honum Heiki? Hvað var uppáhaldspersónan ykkar? Mér fannst skondið nokk hann þorgeir alltaf svo flottur. Æi, þessi sem átti að vera hinn eini sanni en var síðan drepin á einhvern klaufalegan hátt held ég í 7. eða 9. bók. Hvað svosem maður man þetta í detail? Ég tók reyndar fyrstu bókina að láni í bókasafninu um daginn og las hana í einum rykk. Alltaf jafn spennt yfir því hvort þau Silja og Þengill myndu nú ekki ná saman í lokin og hvenær Þengill færi nú eiginlega að fækka fötum og urra eins og úlfur...Og hversu mörg börn haldiði að hafi eiginlega verið skírð Sunna og Líf og Dagur og Heikir og Gabríella og ég veit ekki hvað, eftir að þessar bækur komu út á sínum tíma. Það er Ísfólkskynslóðin svokölluð. Grumpa hefði ábyggilega verið skírð Grumpenhofen hin illa og Monopoly verið skírð Greifynjan af Montgomery Newsweek, Móðir Jörð fengið nafnið Móður Líf, Tensai San kölluð Sunna hin fagurtennta og gott ef Hammer hefði ekki verið skírður hinn eini sanni Heikir. Forskaren hefði vonandi verið skírð Viktoría hin Dularfulla og Kokksi verið Kapteinn Kokk. En vissuð þið annars að Beckham hjónin eru að spóka sig í Reykjavíkinni núna í þessum töluðu orðum? En hverjum langar svosem að sjá Beckham? Þetta er álíka merkilegt og að Geiri Sæm mundi birtast skyndilega á Ruby Tuesday´s. Eða eitthvað þannig.

Í miðnætursólinni

Núna þegar sólin gerir ekkert annað en að skína inn um gluggann hjá mér og klukkan er að nálgast miðnætti, Þá er náttúrulega ekkert annað hægt að gera en að setjast niður við tölvuna og blogga. En má ég líka spyrja, hvaða vitleysa er þetta að við eyjaskeggjar verðum að taka út allar sólarstundirnar á árinu í einu og það á átta vikum?! Verð ég til dæmis núna að standa úti í sumarkuldanum hvenær sem færi gefst til að reyna fá eitthvað útfjólublátt D vítamín í líkamann?? Þetta er eitt súrrealískasta land á jörðinni held ég. Það er nákvæmlega ekkert eðlilegt hérna!! Ekki landið, veðrið, verðið né fólkið. meira að segja eru stórskrítin dýr hérna á eyjunni. hvað er til dæmis örn og Snjóugl að gera hérna??? Ég bara spyr? Af hverju finnast kanínur í öskjuhlíðinni, ígúanaeðlur úti á granda og fólk á Bíldudal? Það er ekkert eðlilegt við þessa blessuðu eyju svei mér þá. En að allt öðru. þar sem ég er nú víst skelfileg piparjónka með tvo svarta ketti, og samkvæmt ónefndum, hræði ég víst öll börnin í hverfinu, en ég ákvað að fara út í videoleigu og ná mér í mynd til að horfa á. Ég endaði með að taka mynd sem heitir Alfie. Mig hefur ekkert langað til að sjá þessa mynd hingað til, því að hverjum langar að sjá kvikmynd um lúða sem hórast út um allan bæ? En svo hugsaði ég með mér; það getur nú aldrei verið slæmt að horfa á hann Jude Law greyið. En má ég bara segja eitt hér og nú. Maðurinn er ÓTRÚLEGA fallegur. Það er enginn sem er fallegri held ég bara svei mér þá. Hamanahamanhamana....Og nú skora ég á ykkur bloggara að reyna að benda á fallegri mann...Og ef einhverjum leiðist og langar að fá aftur trú á að hin fullkomna ferðataska sé til. Þá bendi ég á að horfa á Alfie. Manni langar í Nappeferðalag að hætti BKBK þegar maður sér þennan himneska mann.

Sól og íslenskt sumar

Jæja, hlunkast maður loksins niður við bloggið og tjáir sig. Nei, ég er ekki farin að mingla við Hannes Hólmstein eða sjálfgræðgisflokkinn. Ég hef nú bara verið eitthvað tóm í hausnum og ekki dottið neitt smellið í hug að segja. Núna er hins vegar það að frétta að Forskaren þykist orðin enn þroskaðari en ella þar sem ég átti nú afmæli í vikunni og hélt upp á það með pompi og prakt í gærkvöldi. Og viti menn! Hvað haldiði eiginlega að ég hafi fengið í afmælisgjöf frá Hammer og Tensai San? Safndisk með Duran Duran og engum öðrum. Og ekki nóg með að fá safngeisladisk, heldur var þetta líka DVD diskur ,með öllum þeirra bestu myndböndum. Þar er að finna Planet Earth og Wild Boys svo fátt eitt sé nefnt. DVD diskinum var að sjálfsögðu skellt í og þar sem ég er nú eightiesbarn frá helvíti þá var mikil nostalgía fólgin í að sjá pörupiltana dilla sér í dúkkudans við skemmtarann hans Nick Rhodes (en ég tek það skýrt fram að ég var heavy rocker á mínum unglings- sokkabandsárum!) En hver man svosem ekki eftir Duran Duran? Simon Le Bon fékk til dæmis á heilann að hann líktist Mel Gibson og fór að klæða sig í leðurjakka (með herðapúðum) og hætti að raka sig í þrjár vikur til að fá skegghýjung. Gott ef drengnum tókst ekki bara að vera svolítið huggulegur í Wild Boys myndbandinu. Ég veit að Kokki slefaði yfir myndbandinu í laumi. Og svo kom í ljós að í Tensai San leyndist örlítil diskódúkka. Hún þvertók fyrir að hafa þótt Le Bon litli sætur í pokabuxunum og með pottaleppagreiðsluna í Planet Earth en hún kom upp um sig og roðnaði og flissaði á meðan húsmóðirin úr Vogunum viðurkenndi fúslega að fíla þetta allt saman enn í botn og gott ef hún tók ekki nokkur dansspor til að leggja áherslu á mál sitt, unglingnum hennar til mikillar skelfingar að sjálfsögðu. Ekki veit ég hvað kemur í ljós ef Grumpa og Monopoly sjá piltana með skemmtarann, en það væri áhugvert hvort ekki leynist svona eins og eitt bælt Duran Duran gen í stúlkunum.....